БИШКЕК, 11-июн. — Sputnik. Нарын шаарында канализациялык кудукка түшүп, андан чыккан газга ууланып өлгөндөр боюнча териштирүү башталды. Бул тууралуу ИИМ билдирди.
Эскерте кетсек, кырсык 9-июнь күнү болгон. Беш метр тереңдикке түшүп ууланган "Нарынсуу канал" ишканасынын үч жумушчусуна жардам берүүгө аракет кылган эки адам да ууланып ооруканага түшкөн. Ал эми каза болгондорду кудуктан куткаруучулар алып чыгышкан.
ИИМдин алдын ала маалыматы боюнча кырсыкка коопсуздук техникасын сактабагандыктан келип чыккан. Учурда бул факты боюнча териштирүү иштери жүрүп жатат.
