БИШКЕК, 7-июн. —Sputnik. Бишкек шаарындагы Фучик көчөсү жактагы ишканада газ ташуучу унаа жарылып чыккан өрттү өчүрүү учурунда аскерлештирилген өрт-куткаруу бөлүмүнүн улук өрт өчүрүүчүсү кабыргасынан жаракат алып, №4 ооруканага жеткирилген. Бул тууралуу ӨКМ билдирди.
Өзгөчө кырдаалдар министрлигинин маалыматы боюнча кырсыктын кесепетинен 11 адам жаракат алып, анын ичинен 7 киши оор абалда №4 оорукананын кайра жандандыруу бөлүмүнө, үч адам күйүк бөлүмүнө жаткырылган. Бир киши абалы жакшы болгондуктан ооруканага жаткан эмес.
Түнкү саат 22:05те өрт толук өчүрүлгөн ИИМ менен Бишкек мэриясынын маалыматы боюнча өрт ширетүү иштери учурунда эреже сакталбагандыктан чыккан.
Кырсык болгон жерден алынган алгачкы кадрларды Sputnik Кыргызстандын фотолентасынан көрө аласыздар>>
