БИШКЕК, 6-июн. — Sputnik. Бишкектин Фучик көчөсүндө унаа газ ширетүүчү жабдууну этиятсыздык менен пайдалануудан улам өрт келип чыккан. Бул тууралуу шаардык мэрия билдирди.
Эскерте кетсек, бүгүн кечинде Бишкектин түндүк-батыш тарабында газ ташуучу унаа жарылып, ири өрт чыккан. Кырсыктан 14 киши жабыркап, каза болгондор да бар экени айтылууда.
"Учурда шаардын кызматтары жарылуунун кесепеттерин жоюу боюнча иштерди аткарууда", — деп айтылат билдирүүдө.
Ушу тапта бардык жабыркагандарга медициналык жардам көрсөтүлүп жатат.
Кырсык болгон жерден алынган алгачкы кадрларды Sputnik Кыргызстандын фотолентасынан көрө аласыздар>>
