БИШКЕК, 3-июн. — Sputnik. Европа биримдиги 2020-жылга чейин Кыргызстанга 200 миллион евро бөлө турганын журналисттерге Европа тышкы ишмердик кызматынын Башкы катчысы Ален Ле Руа билдирди.
Анын айтымында, каржылоо негизинен саламаттык сактоо тармагына багытталат.
Ал эми КР ТИМ башчысы Эрлан Абдылдаев эки жыл мурун индикативдик программа кабыл алынып, анын алкагында ЕБ мыйзамдуулукту орнотуу, билим берүү тармагына жана айрым айылдардын өнүгүүсү үчүн 186 миллион евро бөлө турганын маалымдады.
"Мындан тышкары, ЕБ Кыргызстандын шайлоо системасын өнүктүрүү үчүн 13 миллион евро бөлмөй болду", — деди министр.
Абдылдаев бул каражат президенттик шайлоого сарпталарын белгиледи.
