БИШКЕК, 3-июн. — Sputnik. Кыргызстандын аймактарында 4-июнда жаан жаап, күн күркүрөйт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
Бишкек шаарында күндүз 28 градуска чейин ысык болсо, Ош шаарында күн 31 градуска чейин көтөрүлөт.
Кыргызгидромет ошондой эле 3-6-июнда күтүлүп жаткан жаан-чачынга байланыштуу республиканын тоолуу жана тоо этектериндеги райондордо сел жүрүшү мүмкүндүгүн эскертет.
