Натыйжада тогуз жеңүүчү Көчмөндөр оюнунун концерттик программасына катышуу үчүн чакыруу алды.
БИШКЕК, 3-июн. — Sputnik. Бишкекте бүгүн, 3-июнда Борбордук Азиянын Эл аралык бий олимпиадасы башталды. Бул тууралуу Көчмөндөр оюнунун катчылыгы билдирди.
Ал үстүбүздөгү жылдын сентябрь айында өтө турган Көчмөндөр оюнуна карата даярдык иретинде уюштурулууда.
Маалыматка ылайык, иш-чара 5-июнга чейин созулат. Ал үстүбүздөгү жылдын сентябрь айында өтө турган Көчмөндөр оюнуна карата даярдык иретинде уюштурулууда.
Олимпиаданын биринчи күнүндө дүйнө элдеринин бийи, лезгинка, кыргыз бийи боюнча 600 катышуучу күч сынашса, эстрадалык бий боюнча жарышка 750 өнөрпоз катышты.
Биринчи күндүн жыйынтыгы менен тогуз жеңүүчү Көчмөндөр оюнунун концерттик программасына чакыруу алды.
Бий олимпиадасына 10 өлкөдөн 2000 бийчи катышууда. Ал эми өнөрпоздордун талантын 29 калыс электен өткөрүүдө.
