БИШКЕК, 3-июн. — Sputnik. Тез жардам кызматынын дарыгерлери мас абалында колунан эмчектеги ымыркайын жерге түшүрүп алган аялдын наристесине биринчи жардам көрсөтүштү. Бул тууралуу Тез жардам станциясынын реанимация бөлүмүнүн жетекчиси Егор Борисов билдирди.
Анын айтымына караганда бейшемби күнү кечки саат 21.45те милицияга билдирүү түшкөн.
Борисов эмчектеги үч айлык ымыркайды мас абалындагы энеси колунан түшүрүп алганын айтты. Натыйжада наристе эс-учун жоготуп койгон.
"Дарыгерлер ымыркайды карап жаткан маалда анын энеси тартип сакчылары менен медицина кызматкерлерин уят сөздөр менен сөгүп жатты. Ыйлап жаткан ымыркайдын курсагы ач жана кир экен", — деп билдирди Егоров.
Жерге урунган ымыркайдын көзүнүн алды сыйрылып калган. Ага баш сөөгү жабыркагандыгы тууралуу диагноз чыгарылып, №3 шаардык балдар ооруканасына жеткирилди.
Учурда тиешелүү органдар тарабынан наристенин апасын энелик укуктан ажыратуу маселелери каралып жатат.
