БИШКЕК, 30-май — Sputnik. Июнь айында Кыргызстан боюнча аба ырайы белгиленген нормада болот. Бул тууралуу Кыргызгидромет билдирди.
Маалыматка ылайык, Чүй облусунда бир айлык температура климаттык нормада сакталат. Күндүз күн +32…+37 градустун деңгээлинде өзгөрүп турат. Түндө аба ырайы +16…+21 градус болот. Жаан-чачын айрым аймактарда нормадан ашык жаайт.
Ош, Жалал-Абад жана Баткен облустарында күндүз +32…+37 градуска чейин ысыйт. Түнкүсүн +17…+22 градуска чейин жылуу болот. Жаандын жаашы белгиленген нормада (13-33 миллиметр) сакталат.
Ысык-Көл облусунда аба ырайы климаттык нормада болуп, күн +23…+28 градуска чейин ысыйт. Түнкүсүн +10…15 градус жылуу болот. Көпчүлүк аймактарда жаандын көлөмү өз ченеминде сакталат. Облустун чыгыш тарабындагы айрым аймактарда жаан көп жаайт.
Нарын облусунда аба ырайы +26…+31 градустун деңгээлинде алмашып турат, түнкүсүн +8…+13 градус жылуу болот.
