БИШКЕК, 21-май — Sputnik. Балдар үйүндө тарбиялангандар жеңилдетилген түрдө турак-жай алат. Аталган маселени вице-премьер-министр Гүлмира Кудайбердиева мамлекеттик турак-жай маселелерин координциялоо боюнча ведомство аралык комиссиянын кезектеги жыйынында билдирген. Бул тууралуу өкмөттүн маалымат кызматы маалымдады.
Кудайбердиева маселенин социалдык маанисин эске алуу менен курулуп жаткан үйлөрдөгү квартиралардын бөлүгүн балдар үйүнүн жана жатак интернаттардын бүтүрүүчүлөрүнө, балким, жеңилдетилген ижара шартында берүү механизмин иштеп чыгуу зарыллыгын айтты.
Маалыматка ылайык, учурда "Жеткиликтүү турак-жай – 2015-2020" программасына катышуу үчүн керектелген документтердин санын кыскартуу үстүндө иш уланууда. Мындан тышкары, программанын катышуучуларынын санын жогорулатууга жана жеңилдетилген ипотека аркылуу сатып алууга мүмкүн болгон турак-жай фондунун спектрин кеңейтүүгө мүмкүндүк берүүчү башка жаңычылдыктарды киргизүү боюнча иш жүргүзүлүп жатканы маалыматта айтылат.
