БИШКЕК, 16-май — Sputnik. Уйкунун бузулушу эске тутууга терс таасир берерин РИА Новости Science журналына шилтеме берүү менен билдирди.
Окумуштуулар мындай жыйынтыкка чычкандарга жасалган бир нече тажрыйбанын жыйынтыгында келишкен. Чычкандарга бир күн бою эки форманы көрсөтүшкөн. Бирок алардын бирөө такай алмашып турган. Жаңы коюлган формаларды чычкандардын кызыгуу менен изилдеп жатканны окумуштуулар байкап, чычкандар дагы бир нерсени эстеп калат деген жыйынтыкка келишкен.
Окумуштуулар куш уйку салуу учурунда чычкандардын нейрондоруна нурлуу импульстар менен таасир беришкен. Анын натыйжасында чычкандар бир нече жолу көргөн нерсесин унуткан.
Алынган бул жыйынтыктарга таянуу менен окумуштуулар уйкунун бузулушу эске тутуу жөндөмдүүлүгүн азайтат деген тыянакка келишкен.
