БИШКЕК, 14-май — Sputnik. Кытайдан түштүгүндөгү Шэньчжэнь шаарынын полициясы социалдык тармакта шылуундук кылып, элди алдап кеткендерди кармады. Бул тууралуу РИА Новости Синьхуа агенттигинине шилтеме кылып билдирди.
Полиция алдамчыларды кармоо үчүн 5-12-май аралыгында тынбай иштеген. Кармалгандар WeChat жана QQ мессенжерлери аркылуу алдамчылык пирамида түрүндөгү системаны уюштурганга шектелип жатышат.
Шылуундар шыпырган акчанын суммасы азырынча билине элек, бирок, алардын курмандыгы болгон бир адамдан 1 миң 200 долларын алып коюшкандыгын белгилүү болду. Учурда кармалгандардын буга чейинки жана мындан аркы жасаганга пландаган иштери иликтенип жатат.
WeChat тиркемесинин пайда болгону туурасында маалымат биринчи ирет 2011-жылы жарыяланган. 2013-жылдагы маалыматтарга караганда ага 300 миллионго чукул адам катталган. Ал эми булардын 70 миллиону Кытайдын сыртында жашагандар. Ал эми учурда бул мессенжердин колдонуучулардын саны 700 миллионго жетери айтылып келет.
