Балыкчы — Корумду жолунун тендерин иликтеген депутаттык комиссиянын токтому колдоо тапты

Жазылуу
Аталган комиссия жол куруп жаткан "Лонг Хай" компаниясынын лицензиясы жок болгондуктан, тендердин тартиби бузулганын белгилеген.

БИШКЕК, 12-май — Sputnik. Балыкчы — Корумду жолу боюнча тендеринин мыйзамдуулугун иликтеген депутаттык комиссиянын корутундусу парламентте жактырылды. 

Эскерте кетсек, Жогорку Кеңеште Балыкчы — Корумду жолунун тендери боюнча маселе каралды. Суроолорго жооп алуу үчүн жыйынга мурунку өкмөт башчы Темир Сариев, мурунку Транспорт жана коммуникация министри Аргынбек Малабаев жана анын мурунку орун басары Улан Уезбаев чакырылган. 

"Көпчүлүктүн добушу менен токтом негиз катары кабыл алынды. Түшүнбөстүктөр болсо кийинки жумада айтасыңар", — деди төрага. 

Эске салсак, депутаттык комиссиянын төрагасы Кубанычбек Жумалиевдин берген маалыматы боюнча Балыкчы — Корумду автожолун куруу боюнча өткөрүлгөн тендерге 4 компания катышып, анын жыйынтыгында жол курулушуна 6 миллиард 803 миллион 503,5 миӊ сом сунуш кылган "Лонг Хай" компаниясы тандалып алынган. Ошого карабастан, азыр курулушка 8 миллиард 785 миллион 506,3 миӊ сом жумшоо пландаштырлууда.

Депутат Жанарбек Акаев. Архив - Sputnik Кыргызстан
Жанар Акаев: Балыкчы — Корумду жолу боюнча депутаттык комиссия жакшы иштеген жок
Баяндамачы сынак жыйынтыгын Жол чарбасы департаментинин башкы инженери Жумаш Сооданбаев чыгарып, акыркы чечимге транспорт жана коммуникация министринин орун басары Улан Уезбаев кол койгонун, "Лонг Хай" компаниясынын лицензиясы жок болгондуктан тендердин тартиби бузулганын белгилеген.

Аталган тендер боюнча чыр чыгып, анын айынан Темир Сариев, Аргынбек Малабаев жана анын орун басары Улан Уезбаевден кызматтан кеткен. Мында мурунку өкмөт башчынын айланасындагылар тендерде курулушту жүргүзүп жаткан компаниянын кызыкчылыгын көздөгөн деп айтылган.

Жаңылыктар түрмөгү
0
Алгач жаңыларыАлгач эскилери
loader