БИШКЕК, 12-май — Sputnik. Балыкчы — Корумду жолунун тендери боюнча депутаттык комиссия жарытарлык иш жасаган жок. Бул тууралуу депутат, аталган комиссиянын өкүлү Жанар Акаев парламентте сүйлөп жатып билдирди.
Эскерте кетсек, учурда Жогорку Кеңеште Балыкчы — Корумду жолунун тендери боюнча маселе каралып жатат. Суроолорго жооп алуу үчүн жыйынга мурунку өкмөт башчы Темир Сариев, мурунку Транспорт жана коммуникация министри Аргынбек Малабаев жана анын мурунку орун басары Улан Уезбаев чакырылган.
Отурумдун жүрүшүндө Сариев, Малабаев жана Уезбаевдер өз пикирлерин айтышты.
Андан соң ар бир фракциядан үчтөн депутат суроо берүүгө өттү.
"Түзүлгөн комиссия конкреттүү иш алып барган жок. Бир-эки адамдын саясий кызыкчылыгы болуп кетти. Саясий интрига карапайым калкка зыянын тийгизүүдө", — деди Акаев.
Ал эки тарапты тең угуп, Темир Сариевге көбүрөөк ишенээрин кошумчалады.
