БИШКЕК, 7-май — Sputnik. Көк бөрү турниринин финалына "Сары-Өзөн" менен "Достук" командалары чыгышты.
Жарым финалдык оюндар бүгүн, 7-майда "Ак кула" ат майданында өтүп, анда "Сары-Өзөн" командасы "Кең Таласты" 10:2 эсебинде утуп алса, "Талас" командасы 2:4 эсебинде "Достуктан" жеңилүү ызасын тартты.
Мелдеш Жеңиш күнүнүн урматына уюштурулуп, СССРдин Эл артисти Сүймөнкул Чокморов жана белгилүү каскадёр Үсөн Кудайбергеновдун элесине арналмакчы.
Финалдык оюн 9-май күнү "Ак кула" ат майданында болот. Үчүнчү орун үчүн "Кең Талас" менен "Талас" командалары беттешет.
Мыкты оюнчулар 3-8-сентябрь күндөрү Ысык-Көлдө өтө турган Дүйнөлүк көчмөндөр оюндарында ат салыша турган улуттук курама команданын катарына кабыл алынат.
