БИШКЕК, 5-май — Sputnik. Түркиянын расмий басылмасы болгон Resmi Gazete Түркия өкмөтүнүн Европа биримдигине (ЕБ) мүчө өлкөлөрдүн жарандарына визалык режимди токтоткондугун кабарлады. Бул туурасында РИА Новости жазды.
Токтомдо бул директива Түркиянын атуулдарына Шенген аймагына визасыз режимдин киргизилиши менен дароо күчүнө келе тургандыгы айтылат. Бул чечим "чет элдик жана эл аралык коргоо жөнүндөгү мыйзамдын" негизинде кабыл алынган.
Түркиялык жарандар үчүн визасыз режимди берүү ЕБ менен Анкара ортосунда түзүлгөн макулдашуунун бир бөлүгү болуп саналат. Анда Түркиянын аймагы аркылуу Грецияга мыйзамсыз киргендер кайрадан Түркияга кайтарылып, сириялык мыйзамсыз мигранттарга алмаштырылары белгиленген. Мындан сырткары, аталган макулдашуудан Түркия үч миллиард евро суммасындагы пайда табары айтылган.
Евробиримдик 4-майда Түркиянын атуулары үчүн визалык режимди либералдаштыруудагы прогресс жаатындагы отчетун берет. Эгерде ал колдоого алынса, визаларды жок кылууну сунуштайт. Муну менен Анкара ЕБдин 72 пункттан турган бардык талаптарын аткармакчы.
