БИШКЕК, 29-апр. — Sputnik. Эртең, 30-апрелде республика боюнча жаан жаап, күн күркүрөй турганын Кыргызгидромет билдирди.
Бишкек шаарында түнкүсүн 9…11 градус жылуу болсо, күндүз 18 градуска чейин көтөрүлөт. Ош шаарында абанын температурасы түнкүсүн 10…12 градуска жетсе, күндүз 28 градуска чейин жылуу болот.
Кыргызгидромет муну менен бирге 6-майга чейин өлкө боюнча туруксуз аба ырайы сакталарын эскертет. Күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.
