БИШКЕК, 29-апр. — Sputnik. Бириккен Улуттар Уюмунун аткаруучу агенттиктеринин 20 мамлекеттеги өкүлдөрү Кыргызстанга келе турганын БУУнун Кыргызстандагы өкүлчүлүгүнөн билдиришти.
Май айынын башында Армения, Россия, Ливия, Гвинея, Самоа, Швейцария, АКШ, Антиква, Барбуда, Эритрея, Непал, Босния жана Герцеговина, Тунис, Германия, Бириккен Араб Эмирлиги, Суринам, Бурунди, Иран, Панама жана Хорватия мамлекеттеринин өкүлдөрү келет.
Иш сапардын жүрүшүндө алар мамлекеттик органдар менен кызматташуудагы негизги багыттар тууралуу сүйлөшүүлөрдү жүргүзөт. Ошондой эле БУУ тарабынан ишке ашырылып жаткан долбоорлордун жыйынтыктарына баа берилет. Делегациянын иш сапары 2-7-майга пландалган.
Анын жыйынтыгында даярдалган отчет БУУнун систамесына таратылып, Аткаруу кеңешинин жакында боло турчу жыйынында талкууланат.
Кыргызстан Бириккен Улуттар Уюмуна 1992-жылы 2-мартта мүчө болгон.
