БИШКЕК, 27-апр. — Sputnik. Борбор калаада эртең, 28-апрелде күн бүркөк болуп, жаан жаабайт. Бул тууралуу Кыргызгидромет билдирди.
Маалыматка ылайык, түндө 10…12 градус жылыса, күндүз 24…26 градуска чейин жылуу болот.
Ал эми өлкө аймагынын айрым жерлеринде өткүн өтүп, күн күркүрөйт. Бийик тоолуу аймактарда кар жаашы мүмкүн. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетиши күтүлөт.
Талас өрөөнүндө күндүз 26 градуска чейин жылыйт. Ош, Жалал-Абад жана Баткен облусунун дыйканчылык аймактарында 28 градуска чейин ысыйт. Ал эми Нарын менен Ысык-Көлдө күндүз 23 градуска чейин жылуу болот.
