БИШКЕК, 27-апр. — Sputnik. Ново-Покровка айылында 23-апрелде эркек кишинин сөөгү табылып, ал Кант шаарындагы өлүкканага сот-медициналык экспертиза өткөрүү үчүн алып келинген. Ал 36 жаштагы Ново-Покровка айылынын тургуну экени аныкталган. Бул тууралуу Чүй ОИББдин маалымат кызматы билдирди.
Ага ылайык, бул ишке шектүү катары 47 жаштагы эки жаран жана 48 жаштагы бир жаран кармалган. Алар 22-апрелде кечинде арак ичип отуруп, чатакташа кетишип, чогуу отурган бөтөлкөлөшүн шише менен башка чаап салышкан.
Аталган факты боюнча Кылмыш жаза кодексинин 97-беренеси ("Адам өлтүрүү") боюнча кылмыш иши козголду.
Шектүү жарандар Ысык-Ата РИИБдин убактылуу кармоочу жайына киргизилген. Тергөө иштери улантылууда.
