Туура 30 жыл мурун 1986-жылы 26-апрелде Украинада жайгашкан Чернобыль атом электр станциясында жарылуу болгон.
БИШКЕК, 26-апр. — Sputnik. Борбор калаадагы Юлиус Фучик атындагы паркта Чернобыль атом электр станциясында болгон жарылуунун кесепеттерин жоюуга катышкан кыргызстандыктарга орнотулган эстеликке гүл чамбар коюлду.
Аталган кайгылуу окуянын 30 жылдыгынын алкагында Чернобыль кесепеттерин жоюуга катышкандарга, алардын жесирлерине беш миң сомдон жөлөк пул берилди.
Белгилей кетсек, мындан туура 30 жыл мурун 1986-жылы 26-апрелде Чернобыль атом электр станциясында жарылуу болгон. Анын кесепетинен станцияга жакын жайгашкан аймактардагы кишилер башка жакка көчүрүлгөн.
Эскерүү иш-чарасына калаа башчысы Албек Ибраимов, Бишкек шаардык кеңештин төрагасы Алмаз Кененбаев, вице-мэр Айгүл Рыскулова, "Чернобыль кеңеши" коомдук бирикмесинин өкүлдөрү жана Украина, Белоруссиянын элчилери катышты.
Мэр Ибраимов өз сөзүндө учурда Бишкекте Чернобыль апаатынын кесепеттерин жоюуга катышкан 287 киши жана алардын жесирлери жашарын билдирди.
Аталган кайгылуу окуянын 30 жылдыгынын алкагында Чернобыль кесепеттерин жоюуга катышкандарга, алардын жесирлерине беш миң сомдон жөлөк пул берилди. Мындай жардам Бишкек шаарынын төрт районунда жашаган бардык катышуучуларды камтыды.
