БИШКЕК, 26-апр. — Sputnik. "Ак Илбирс" улуттук киносыйлыгына ат салыша турган тасмалар аныкталганын "Айтыш-фильм" киностудиясынын маалымат катчысы Чолпон Идрисова билдирди.
Эскерте кетсек, сынакка катышуу үчүн жалпы жонунан 44 тасма арыз берген. Анын 10у — толук метраждуу тасма болсо, 9у — даректүү, 25и — кыска метраждуу тасма болгон.
Аталган сыйлыкка 2015-жылы өндүрүштөн чыккан ар кыл жанрдагы тасмалар ат салышат. Мындан төрт жыл мурун негизделген иш-чара 14 номинация боюнча мыктыларды аныктап келсе, былтыртан баштап Борбордук Азияны толугу менен камтып, ага дагы эки номинация кошулган.
Сыйлык тапшыруу аземи 15-майда "Манас" кинотеатрында өтөт.
Sputnik Кыргызстан маалымат агенттиги жана радиосу — "Ак Илбирс" киносыйлыгынын маалыматтык өнөктөшү.
