БИШКЕК, 25-апр. — Sputnik. Бүгүн Ош шаардык кеңештин депутаттары ишин баштайт. Бул тууралуу Sputnik Кыргызстан агенттигине аймактык шайлоо комиссиясынын төрагасы Абдижалил Муратов билдирди.
Күн тартиби боюнча шайланып келгендерге мандат тапшыруу аземи өтөт.
"Эртең саат 10:00дө Ош шаардык кеңештин депутаттары ишин баштайт. Алгач мандат тапшыруу аземи өтүп, андан кийин коалиция түзүү жана төрага шайлоо маселеси каралат", — дейт Муратов.
Эске сала кетсек, Ош шаардык кеңешке болгон шайлоодо "КСДП" партиясы — 16, "Кыргызстан" партиясы — 9, "Мекеним Кыргызстан" — 6, "Республика – Ата-Журт" — 5, "Бир Бол" — 5, "Өнүгүү-Прогресс" — 4 мандат алган.
