БИШКЕК, 21-апр. — Sputnik. Саламаттыгы боюнча мүмкүнчүлүгү чектелген жарандардын турак жай менен камсыздалышы орчундуу маселе боюнча калып жатканын Азиздер жана дүлөйлөр коомунун төрагасы Калык Мамбетакунов премьер-министр Сооронбай Жээнбеков менен жолугушууда айтты.
Өкмөттүн маалымат кызматынын билдирүүсү боюнча Мамбетакунов премьер-министрге майыптардын көйгөйлөрүнө көбүрөөк көңүл бурууга чакырды. Турак жайдан башка ден соолугу боюнча мүмкүнчүлүгү чектелген жарандар үчүн оорукана жана реабилитациялык борборлорду уюштуруу маселеси талкууланды.
Мамбетакуновдун маалыматында учурда республикада саламаттыгынан мүмкүнчүлүгү чектелген 168 миң жаран бар, анын 18 миңи Бишкекте жашайт.
Жээнбеков айтылган бардык сунуштарды аткарууга колдон келген аракет көрүлөрүн белгиледи.
