БИШКЕК, 20-апр. — Sputnik. Дем алыш күндөрүн сарамжалдуу пайдалануу үчүн өкмөт башчы Сооронбай Жээнбеков токтомго кол койду.
Беш күн иштеген уюм, мекемелердин кызматкерлери үчүн 3-4-май жумуш күндөрү 30-апрелге жана 7-майга жылдырылды. Ошентип, 2-майдан 5-майга чейин жумуш эмес күнү деп жарыяланды.
Муну менен бирге 9-май күнү да эс алуу күнү болуп саналат.
Белгилей кетсек, буга чейин кыргызстандыктар беш күн катары менен эс алары айтылып, бул күндөргө 6-май да киргизилген. Учурда 6-7-май күндөрү жумушчу күн деп белгиленди.
