БИШКЕК, 14-апр. — Sputnik. Ош — Бишкек автожолунун Жалал-Абад облусунун Сузак району аймагынан "Mercedes benz" үлгүсүндөгү жүк ташуучу эки автоунаа токтотулуп, ичинен "сурьма ташы" делген таштар табылган. Бул тууралуу Жалал-Абад ОИИБдин маалымат кызматы билдирди.
Укук коргоо органдарына шектүү жүк тууралуу ыкчам маалымат келип түшкөн. Алгачкы текшерүү учурунда, жүк ташуучу авто унаалардан мүшөккө салынган, жалпы салмагы болжол менен 10 тоннадай (ар биринде 5 тоннадай) "сурьма ташы" чыккан
Кармалган заттар экспертизага жиберилди. Маалымат кызматы аталган факты боюнча топтолгон материалдар Финансы полициясына өткөрүлөрүн билдирди.
