БИШКЕК, 12-апр. — Sputnik. Атамекендик өндүрүшчүлөр оюу түшүрүлгөн брусчатка чыгара баштады.
Ал бир катар кыргызстандыктардын купулуна толду.
Долбоордун өкүлү Көлбай Найманбаевдин айтымында, түрдүү түстө брусчаткалар буга чейин чыгып келген, бирок улуттук оюу түшүрүлгөн таштар биринчи жолу жасалууда.
"Брусчатканын өңү өчпөш үчүн биз сапаттуу боекторду колдонууга аракет кылып жатабыз", — дейт Найманбаев.
Улуттук оюулар түшүрүлгөн брусчаткалар көбүнүн купулуна толду. Ал социалдык тармактын колдонуучулары мындай демилгеге жылуу сөздөрүн айтып жатканын кошумчалады.
