БИШКЕК, 8-апр. — Sputnik. "Ислам мамлекети" террористтик топтун согушкерлери Дамаск шаарынан барымтага алынган 175 адамды өлтүргөнүн Sputnik өздүк булактарга таянуу менен кабарлайт.
6 Чын Куран 2016, 13:20
Мурдараак SANA агенттиги Сириядагы булактарына таянуу менен аталган топтун согушкерлери Абу аш-Шамат аймагынан Al Badia Cement компаниясынын 300 кызматкерин барымтага алганын жазып чыккан.
Маалыматка ылайык, террорчулар 6-апрель күнү аталган компаниянын заводуна кол салган. Ал учурда заводдо 250 адам болгон. Алардын 75 кызматкери качып чыгууга үлгүрүп, согушкерлер заводдо калгандарды диний көз карашы үчүн өлтүргөнүн айткан.
"Ислам мамлекети" террордук уюмунун согушкерлери адамдарды тобу менен өлтүрүп коомчулуктун үрөйүн учуруп келет. Алар январь айында Дейр-эз-Зоре аймагынан туткундалган 280 адамды өлтүрсө, Иракта согушкерлердин колунан каза болгондордун саны төрт миңге жеткен.
