БИШКЕК, 1-апр. — Sputnik. Ош аэропортуна Армениядан алып келинген АН-12 учагына 12 пайыздык салык чегербей койгон Салык кызматынын аймактык башкармалыгынын кызматкерлерине кылмыш иши козголгонун Башкы прокуратура билдирди.
22 Жалган Куран 2016, 10:27
Маалыматка ылайык, учак бажыдан алып келингенден кийин камералык текшерүү жүргүзүлбөгөнү аныкталган. Мындан улам мамлекетке 1 миллион 360 миң сом зыян келтирилген.
Бул боюнча транспорттук прокуратура тарабынан Кылмыш жаза кодексинин 304-беренесинин (Кызмат абалынан кыянаттык менен пайдалануу) жана 212-беренесинин (Жеке ишкердин салык төлөөдөн баш тартуусу) негизинде кылмыш иши козголуп, тергөө амалдары жүрүп жатат.
