БИШКЕК, 31-мар. — Sputnik. Евразиялык экономикалык комиссия ЕАЭБ айдыңында бирдиктүү валюта түзүү боюнча иштеген жок. Бул тууралуу ЕЭКтин экономика жана финансы саясаты боюнча коллегиянын мүчөсү Тимур Сулайманов билдирди.
Анын айтымында, бир жагынан бирдиктүү валютанын көп артыкчылыгы бар.
"Беш мамлекетке таандык валютага ишенич жогору болот", — деди ал.
Бирок муну менен катар бир топ кемчиликтерге да ээ экенин белгиленди.
"ЕАЭБ курамындагы мамлекеттер өзүнүн улуттук валютасынан баш тартарынан күмөнүм чоң. Бул боюнча эч кандай иштер жүргөн жок", — деди Сулайманов.
Мындан улам ЕЭК мүчөсү бирдиктүү акча системасы тууралуу кеп козгоого эрте экенин белгилейт.
