БИШКЕК, 30-мар. — Sputnik. Кумсалардын өкүлүнө кол салуу болгон деген сот ишине айыпталуучуларды колдоп 30га жакын киши келгенен кабарчыбыз жеринен билдирди.
11 Жалган Куран 2016, 16:56
2015-жылы 17-майда "Лабрис" коомунун өкүлдөрү милицияга телефон чалып, аларды жаалданган кишилердин тобу келип сабоого аракет кылып жатышканын айткан. Аталган коомдун өкүлдөрү гомофобияга каршы күрөшүү күнүнүн урматына шаардагы кафелердин биринде кече уюштурушкан. Бул кечеде үч чет элдик (АКШ, Россия, Өзбекстан) жаран менен чогуу 30дай киши болгон. Милиция аталган факты боюнча "Жаштар Кеңеши" жана "Калыс" кыймылынын активисттерине карата Кылмыш жаза кодексинин 234-беренеси ("Бейбашчылык") боюнча кылмыш ишин козгогон.
"Кумсаларга кол салды деп шектелип жаткан балдарды соттобой, тескерисинче аларды патриоттук аракеттери үчүн грамота менен сыйлаш керек", — дейт активисттердин бири Бакыт Абдиев.
Кезектеги сот иши 30-мартта Бишкек шаарынын Биринчи май райондук сотунда болушу керек эле. Бирок, сот иши жабыркагандардын келбегендигинен улам 1-апрелге жылдырылды.
Ал эми "Лабрис" уюму айыпталуучуларды колдогон активисттер боюнча комментарий берүүдөн баш тартты.
Ошондой эле, эмне үчүн алардын тарапташтар сот ишине барбаганы боюнча да кандайдыр бир түшүндүрмө бербей турушканын билдиришти.
