БИШКЕК, 11-мар. — Sputnik. Акыйкатчы институтунун кийлигишүүсү менен алимент төлөөдөн качып жүргөн жаран эки баласы үчүн 18 миң сом төлөп, ал эми бул боюнча ишти создуктуруп келген сот Элвира Жаркеевага чара көрүлгөнүн аталган мекеме билдирди.
Маалыматка ылайык, Акыйкатчы институтуна Бишкектин тургуну алимент жана ишти караган соттун мамилеси боюнча арыз менен кайрылган. Анда келин 2008-жылы жолдошу менен ажырашып, ошодон бери эки жашы жете элек эки баласын өзү чоңойтуп келе жатканын айткан.
"Сот келиндин күйөөсүн ар бир балага айына 834 сом алимент төлөп берүүсүн милдеттендирген. Арызда сот аткаруучу Харитонова алты жылдан бери соттун чечиминин ишке ашуусун создуктуруп келери айтылган", — делет билдирүүдө.
Аталган арыздын негизинде Акыйкатчы институту Соттор кеңешинин төрагасына кайрылып, Жаркеевага карата дисциплинардык чара көрүлгөн. Муну менен бирге институттун кийлигишүүсү менен балдарды атасы 18 миң сом өлчөмүндө алимент төлөп берген.
