БИШКЕК, 21-мар. — Sputnik. Түштүк Кореянын аскер аба күчтөрү дүйшөмбү күнү Түндүк Кореянын өзөктүк объектилерине сокку уруу боюнча аскер машыгууларын өткөрдү. Бул тууралуу РИА Новости BBCге таянуу менен жазып чыкты.
Маалыматка ылайык, машыгууларга F-15K, F-16 жана FA-50 атып түшүрүүчү учактары жана эки C-130H үлгүсүндөгү аскер учактары катышты.
"Эгерде душман курал менен күчүн көрсөтсө, биз аларга татыктуу жооп кайтарууга даярбыз. Аскер машыгуулары душмандын өзөктүк объектилерин атып түшүрүүгө багытталат", — дейт учактын командари Кан Ин Хон.
Корей жарым аралындагы абалдын чыңалышына Түндүк Кореянын 6-январдагы өзөктүк куралын төртүнчү ирет сыноосу жана 7-февралда Түндүк Кореянын "Кванмёнсон-4" жасалма спутниктин жардамы менен асманга атылган ракетасы себеп болгон. Буга жооп катары Бириккен Улуттар Уюмунун Коргоо кеңеши аталган өлкөгө карата экономикалык жактан четтетүүгө алып келе турган олуттуу резолюция кабыл алган.
