БИШКЕК, 20-мар. — Sputnik. Александр Масляков (кичүүсү) Бишкекке келгенин "Ала-Тоо" КВН расмий лигасынын пиар кызматынын башчысы Виктор Линовицкий Sputnik Кыргызстан агенттигине билдирди.
Ал Сатылганов атындагы Улуттук филармониясында өткөн "Ала-Тоо" КВН расмий лигасынынын сезонун ачты. Анда 15 команда оюн көрсөтүп, анын 12си чейрек финалга өттү.
"Баарынын маанайы жакшы болуп, оюн жогорку деңгээлде өттү. Оюндун кийинки этабы жайында Бишкек шаарында болот", — дейт Виктор Линовицкий.
Фестивалдын коногу КВНдин жогорку лигасынын вице-чемпиону "Детективное агентство “Лунный свет" командасы болду.
"Ала-Тоо" КВН лигасы Александр Масляков (кичүүсү) тарабынан уюштурлуп, ага аймактык командалар катышат.
