БИШКЕК, 20-мар. — Sputnik. "Манас" эл аралык аэропортунун жабдууларын жакшыртуу" долбоору боюнча гранттык макулдашуу ратификацияланганын өлкө башчынын маалымат кызматы билдирди.
Аталган долбоор боюнча кыргыз өкмөтү менен Япония эл аралык кызматташтык агенттигинин (JICA) ортосундагы макулдашууну ратификациялоо боюнча мыйзамга президент Алмазбек Атамбаев кол койду.
Мыйзам Жогорку Кеңеш тарабынан 2016-жылдын 10-мартында кабыл алынган.
Аталган долбоор учуулардын коопсуздугун арттырууга жана аэропорттогу жүргүнчүлөр менен авиакомпанияларды тейлөө үчүн зарыл шарттарды жаратат.
Мыйзам расмий жарыялангандан он күн өткөндөн кийин күчүнө кирет.
