Россиядагы элчилик авиакырсыктан каза болгон КР жаранынын туугандарына жардам берет

© Sputnik / Сергей Пивоваров / Медиабанкка өтүүКырсык болгон жердеги тез жардам кызматы
Кырсык болгон жердеги тез жардам кызматы - Sputnik Кыргызстан
Жазылуу
Дубайдан Ростов-на-Дону шаарына учуп келген Boeing 737-800 учагы конуп жатканда кулап, анын ичиндеге бардык 55 жүргүнчү жана экипаждын жети мүчөсү каза болгон.

БИШКЕК, 19-мар. — Sputnik. Ростов-на-Дону шаарына конуп жатып кулап түшкөн Fly Dubai компаниясынын Boeing 737-800 учагынын ичинде Кыргызстандын жараны Жылдыз Насирдинова да болгонун КРдин Тышкы иштер министрлигинин маалымат кызматы тастыктады. 

Тышкы иштер министрлиги аталган маселе министрликтин жеке көзөмөлүндө экенин баса белгилеген.

"Кыргызстандын Россиядагы элчилигине каза болгон жарандын туугандарына жардам берүү боюнча тапшырма берилди", — деп айтылат билдирүүдө.

Маалыматка ылайык, Дубайдан Ростов-на-Дону шаарына учуп келген Boeing 737-800 учагы конуп жатканда кулап, анын ичиндеге бардык 55 жүргүнчү жана экипаждын жети мүчөсү каза болгон. 

Авиакырсыктан улам КР президенти Алмазбек Атамбаев Россиянын президенти Владимир Путинге көңүл айткан болчу.

Учак кулап түшкөн жерден тартылган кадрларды Sputnik Кыргызстан маалымат агенттигинин сүрөт баянынан көрүңүз>>

Жаңылыктар түрмөгү
0