БИШКЕК, 19-мар. — Sputnik. Кыргызстандын президенти Алмазбек Атамбаев Россиянын Ростов-на-Дону шаарында учактын кыйрашына байланыштуу РФ президенти Владимир Путинге көңүл айтты. Бул тууралуу өлкө башчынын маалымат кызматы билдирди.
Белгилей кетсек, 19-мартта Бишкек убактысы боюнча 6.40тар чамасында Дубайдан Ростов-на Дону шаарына учуп келген Fly Dubai компаниясына таандык Boeing 737-800 учагы конуп жатып, кулап түшкөн.
Анын ичиндеги бардык жүргүнчүлөрдүн каза болгону маалымдалууда. Учакта 61 киши болгон.
Мамлекет башчысы бул каргашада курман болгондордун жакындарына жана туугандарына терең кайгыруу менен кайрат айткан сөздөрүн жолдоду.
