БИШКЕК, 17-мар. — Sputnik. Жергиликтүү кеңештерде 265 миң кыргызстандык жаран добуш бере турганын Sputnik Кыргызстан агенттигине Мамлекеттик каттоо кызматы билдирди.
Үстүбүздөгү жылдын 27-мартында жергиликтүү кеңештерге шайлоо алты шаар менен 20дан ашуун айыл өкмөттөрүндө өтөт. Мында биометрикалык маалымат тапшырган жаран гана добуш берүү укугуна ээ.
"Караколдогу тизмеде 29 миңден ашуун шайлоочу катталган. Балыкчыда — 24 миңге жакын, Ош шаарында — 116 миң, Кеминде — 5320, Токмокто — 26 миң 653 жана Майлы-Сууда — 9641 шайлоочу добуш берет. Жалпы шайлоочулардын саны 265 миңден ашты. Биометрикалык маалыматты жалпы калктын 90 пайызы тапшырган", — деп айтылат билдирүүдө.
Өлкө боюнча 2,9 миллион жаран биометрикалык каттоодон өттү.
