БИШКЕК, 17-мар. — Sputnik. Кыргызстандын премьер-министри Темир Сариев Прага — Бишкек — Сеул авиакаттамын ачуу маселесин Чехия парламентинин депутаттар палатасынын төрагасы Ян Гамачек баштаган делегация менен жолугуу учурунда көтөрдү. Бул тууралуу өкмөттүн маалымат кызматы билдирди.
Белгилей кетсек, 16-мартта Сариев Гамачек менен жолугуп, Кыргызстан менен Чехиянын ортосундагы саясий, соода-экономикалык, энергетикалык жана маданий-гуманитардык кызматташтыкты кеңейтүү маселелерин талкуулаган.
Ошондой эле, КР өкмөт башчысы жакында Чехиянын эки компаниясы менен чакан ГЭС куруу жаатында келишимге кол коюлганы жатканын жана бул долбоорлордун баасы 190 миллион долларды түзөрүн билдирди.
