БИШКЕК, 16-мар. — Sputnik. Туризм тармагындагы мамлекеттик жана жеке өнөктөштүк маселеси Орто Азиядагы мамлекеттердин тийиштүү органдары тарабынан Берлинде талкуулаганын Sputnik Тажикстан Бириккен Улуттар уюмуна шилтеме берүү менен билдирди.
Сунушталган докладда 10 миң саякатчыдан алынган сурамжылоо жазылган. 10 респонденттин сегизи Жибек Жолу тууралуу укканын айтып, айрымдары ага кайсы мамлекеттер кирерин да санап беришкен. Туристтердин баамында Жибек Жолундагы мамлекеттерге Кытай, Монголия, Казакстан, Өзбекстан, Иран, Түркия, Түркмөнстан, Кыргызстан, Тажикстан жана Азербайжан кирет.
Андан сырткары, сурамжылоого катышкандар эгер бул мамлекеттерге Европа өлкөлөрүнө берилген Шенген визасы сыяктуу "Жибек Жолу визасы" берилсе саякаттоого даяр экенин билдиришкен.
