БИШКЕК, 14-мар. — Sputnik. Улуттук оппозициялык кыймыл (УОК) бүгүн Кыргызстандын бир нече аймактарында бир нече митингдерди өткөрөрүн аталган кыймылдын мүчөсү Бектур Асанов Sputnik Кыргызстанга билдирди.
"Митинг Талас менен Жалал-Абаддын борборунда, Аксынын Кербен шаарында, Ысык-Көлдүн Саруу айылында болот", — деди Асанов.
Оппозиция өкүлү бул митингдерди колдоо максатында нарындыктар да чыгуу ниетин билдирип жаткандыгын кошумчалады.
Митингди уюштуруучулар учурдагы электр энергиясынын тарифтерин арзандатуу, балдарга жөлөк пул берүүдөгү документ иштерин жөнөкөйлөтүү талабын коюп жатышат. Андан сырткары Мамлекеттик камсыздандыруу мыйзамын жокко чыгаруу маселесин да алып чыгышууда.
