БИШКЕК, 14-мар. — Sputnik. Бишкекте СССРге эмгек сиңирген машыктыруучу жана спорттун чебери Виктор Асташенконун жаркын элесине арналган бокс боюнча турнир өтөт. Бул тууралуу спортчулар жана ветерандар коомдук фондунун төрагасы Сергей Лучников билдирди.
Мелдеш 18-22-апрель күндөрү Кожомкул атындагы спорт ордосунда өтөт. Аталган турнирде Россия, Азербайджан, Казакстан, Монголия жана Өзбекстандан келген спортчулар күч сынашат.
Мелдешке 15-16 жашар өспүрүмдөр катышат.
