БИШКЕК, 11-мар. — Sputnik. Стритрейсерлер үчүн эски аэропорттун аймагынан өзүнчө автотрасса берилиши мүмкүн экенин Бишкектин мэри Албек Ибраимов түз эфир учурунда билдирди.
Буга чейин унаа жарыштыргандар аны мыйзамдуу өткөрүү үчүн атайын трасса керек экенин айтып чыгышкан. Мындан тышкары, январь айында жарыштан ага катышпаган айдоочу каза болуп, жарыштарды токтотуу талабы менен митинг өткөн.
"Азырынча альтернатива жок, ал эми бүгүнкү жаштардын дээрлик баарынын унаасы бар, ылдамдыкты сүйүшөт. Албетте, "Формула-1" трассасын сунуштай албайбыз, бирок менин жеке пикиримде эски аэропорттун аймагынан жер бөлүп берүүгө болот. Ал жакта жол асфальтталган. Жер тилкеси боюнча маселелер бар, аларды чечүү керек", — деди Ибраимов.
Аталган район Бишкектин түштүк аймагында жайгашкан.
