БИШКЕК, 10-мар. — Sputnik. Нью-Йорк шаарынын Федералдык соту Иранды 2001-жылдын 11-сентябрында каза болгондордун туугандарына 10,5 миллиард доллар төлөп берүүгө милдеттендиргенин Bloomberg басылмасы билдирди.
Мындай чечим Иран каргашалуу окуяга тиешеси жок экенин далилдей албаганынан улам чыккан.
Каражаттын айрым бөлүгү материалдык зыянга учураган камсыздандыруучу уюмдарга берилет.
Көз жумгандардын үй-бүлөсүнө 7,5 миллиард доллар төлөнүп, ар бирине 8,8 миллион доллардан тиери айтылууда.
Адамзаттын тарыхындагы каргашалуу окуя 2001-жылы 19 жанкечти тарабынан жасалган. Анын кесепетинен 2973 адам набыт кеткен.
