БИШКЕК, 10-мар. — Sputnik. Тарых жана маданият жылын даярдоо жана өткөрүү боюнча мамлекеттик дирекция "Ар бир 100 чакырымда — "Э.А." аттуу жалпы республикалык акциянын башталганын билдирди.
Иш-чара негизги стратегиялык жолдордун боюндагы инфраструктураны жакшыртууга, жол четине коомдук ажатканаларды орнотууга багытталат.
Акцияга өкмөттүн бардык облустагы өкүлчүлүктөрү, райондук акимиаттар, мамлекеттик жана башка органдар, юридикалык жактар катышмай болууда.
Ажатканалар Бишкек — Балыкчы — Торугарт; Ысык-Көлдү айланта курулган трасса; Бишкек — Ош — Иркештам; Ош — Баткен — Исфана жолдорунда орнотулмакчы.
Акция жыл бою уланат.
