БИШКЕК, 10-мар. — Sputnik. Британиянын Sky News телеканалы "Ислам мамлекети" террористтик тобунун миңдеген согушкеринин жеке маалыматына ээ болгонун билдирди. Документтерди каналга топтун мурунку мүчөсү өткөрүп берген.
6 Жалган Куран 2016, 16:53
Ага ылайык, документте 22 миң ысым, даректер, телефон номерлери, согушкерлердин үй-бүлөлөрү тууралуу маалыматтар камтылган. Террористтердин арасында 51 мамлекеттин өкүлү бар. Алар топко кирер алдында 23 суроого жооп берип, өздүк маалымат тапшырган.
"Ислам мамлекети" террористтик тобу бүгүнкү күндө дүйнөгө кооптуулук жараткан ири коркунучтардын бири. Үч жыл ичинде террористтер Ирак менен Сириянын басымдуу бөлүгүн өзүнө каратып алууга жетишкен. Мындан тышкары, алар өз таасирин Түндүк Африка, негизинен Ливияга таратууну көздөп келишет. Ар кандай маалыматтар боюнча ИМ көзөмөлүндөгү жердин аянты 90 миң чарчы чакырымды түзөт. Ал эми топ курамындагы мүчөлөрүнүн саны 50 миңден 200 миңге чейин экени айтылууда.
