Кырсык кечээ болгон. Учурда экспертизалар дайындалып, окуянын чоо-жайы иликтенип жатат.
БИШКЕК, 10-мар. — Sputnik. Бишкекте 9-класстын окуучусу Volkswagen Golf-2 унаасын башкарып келе жатып, бурулуштан каршы тилкеде келе жаткан Mercedes-Benz унаасы менен кагышканын Жол кайгуул кызматы билдирди.
Натыйжада эки айдоочу менен Volkswagen Golf-2 унаасындагы беш өспүрүм ар кандай жараат менен ооруканага кайрылышкан.
Маалыматка ылайык, кырсык кечээ саат 20.30да Салиев менен Кантемировская көчөлөрүнүн кесилишинде болгон. Mercedes-Benz унаасын 18 жаштагы Баястанбек аттуу жаран айдап келе жатканы белгилүү болгон.
Натыйжада эки айдоочу менен Volkswagen Golf-2 унаасындагы беш өспүрүм ар кандай жараат менен ооруканага кайрылышкан.
Учурда тийиштүү экспертизалар дайындалып, тергөө иштери жүрүп жатат.
