БИШКЕК, 4-мар. — Sputnik. "Саякбай манасчы" тасмасына тартылууну каалагандар үчүн кастинг жарыяланганын Кинематографты колдоо фонду билдирди.
Маалыматка ылайык, улуу манасчы тууралуу тасма тартуу демилгеси "Саякбай манасчы" коомдук фондусуна таандык. Уюм ал үчүн атайы сценарийге сынак жарыялап, сунушталган сегиз иштин ичинен режиссер Эрнест Абдыжапаровдун сценарийи жеңишке жетишкен.
Кастингге бардык каалоочулар жаш курагына, улутуна карабай катышса болот.
Тасмага тартылам дегендер марттын аягына чейин ар жума күнү Төлөмүш Океев атындагы "Кыргызфильм" улуттук киностудияга кайрыла алат.
