13 миң мык керектелип жасалган желек аукциондо 75 миң сомго сатылды

© Sputnik / Табылды КадырбековString art ыкмасы менен жасалган желек. Архив
String art ыкмасы менен жасалган желек. Архив - Sputnik Кыргызстан
Жазылуу
Борбор калаанын студенттери желек күнүнө карата өзгөчө ыкма менен мамлекеттик тууну жасашкан. Ал бүгүн аукциондо сатылды.

БИШКЕК, 3-мар. — Sputnik. 13 миң мык жана 20 чакырымдай жип керектелип String art ыкмасы менен жасалган желек 75 миң сомго сатылганын аукциондун уюштуруучуларынын бири Мээрим Абдрахманова Sputnik Кыргызстан маалымат агенттигине билдирди.

Абдрахманова желекти коомдук ишмер, бизнесмен Аскар Салымбеков сатып алганын билдирди.

© Мээрим абдрахманова13 миң мык жана 20 чакырымдай жип керектелип String art ыкмасы менен жасалган желек 75 миң сомго сатылды.
1/2
13 миң мык жана 20 чакырымдай жип керектелип String art ыкмасы менен жасалган желек 75 миң сомго сатылды.
© Мээрим абдрахмановаАны бизнесмен Аскар Салымбеков сатып алды
2/2
Аны бизнесмен Аскар Салымбеков сатып алды
1/2
13 миң мык жана 20 чакырымдай жип керектелип String art ыкмасы менен жасалган желек 75 миң сомго сатылды.
2/2
Аны бизнесмен Аскар Салымбеков сатып алды

Борбор калаанын студенттери желек күнүнө карата String art ыкмасы менен желек жасап, аны сатуудан түшкөн акчага Токмоктогу балдар үйүн оңдоого жумшашмак.

Аукционго бир катар ишкерлер, депутаттар жана коомдук ишмерлер чакырылган.

"Биз аукционго катышуу үчүн бир топ кишилерге кайрылдык. Алардын арасында депутаттар да бар. Тилекке каршы учурдагы депутаттардын бирөө да келген жок", — деди ал.

Абрахманова желекти сатуудан түшкөн каражатка башында Токмоктогу балдар үйүн оңдоо каралганын айтып, бирок, каражат бир аз болгондуктан ал жакты талапагыдай оңдоого жетпей турганын айтат.

"Азыр Токмоктогу же Краснореченскдеги балдар үйүнө жардам берсекпи деп ойлоп жатабыз. Краснореченскдеги балдар үйүндө ашкананын абалы начар болчу. Ал жакка анча чоң эмес каражат кетмек. Эки күндүн экинчи кайсыл жакка жардам берүүнү чечебиз", — дейт ал.

Белгилей кетсек, 3-март мамлекеттик желек күнү. Быйыл ага 24 жыл толду. Эгемендүү Кыргыстандын биринчи желеги 1992-жылы 5-мартта Бишкек шаарындагы өкмөт үйүнүн имаратына илинген.

Кыргызстандын мамлекеттик туу күнүн белгилөө боюнча президенттин буйругу 2009-жылы 10-июнда чыккан.

Студенттер өзгөчө ыкма менен желекти кантип жасаганын Sputnik видеосунан көрүңүздөр>>

Жаңылыктар түрмөгү
0