БИШКЕК, 3-мар. — Sputnik. Россиядагы Андрей Стенин атындагы жаш журналисттерге арналган жалгыз эл аралык фото сынагына эмгектерди кабыл алуу жарым айдан кийин токтотулат.
Андрей Стенин атындагы фотожурналистика сынагы эл аралык "Россия сегодня" маалымат агенттиги тарабынан уюштурулуп, ЮНЕСКОнун Россиядагы комиссиясынын колдоосу менен өткөрүлүп жатат.
Эмгектерди кабыл алуу stenincontest.ru сайты аркылуу 2016-жылдын 22-мартына чейин кабыл алынат.
Сынак беш номинациядан түзүлгөн: "Менин өлкөм", "Дүйнө түсү. Жашоо гармониясы", "Портрет. Биздин замандын баатыры", "Башкы жаңылыктар" жана "Спорт".
Калыстар тобунун добушу менен ар бир номинация боюнча жеңүүчүлөр аныкталат.
Мындан сырткары өзгөчө Гран-при сыйлыгы да тапшырылат.
Гран-при сыйлыгынын жеңүүчүсүнө 500 миң рубль ыйгарылат.
