БИШКЕК, 2-мар. — Sputnik. Жергиликтүү кеңеш депутаттарын 264 миңден ашуун адам шайлай турганын Мамлекеттик каттоо кызматы билдирди.
Эскерте кетсек, президент Алмазбек Атамбаевдин буйругу менен 27-март күнү республиканын 22 айыл аймак жана алты шаарынын жергиликтүү кеңеши шайланат.
"Шайлоочулардын так саны 12-март күнү белгилүү болот. Шайлоо өлкөнүн 199 участогунда өтөт. Баарынан көп шайлоочу Ош, Каракол жана Токмок шаарларына туура келүүдө", — деп айтылат билдирүүдө.
Каттоо кызматы жергиликтүү кеңеш шайлоолору биометрикалык маалыматтын негизинде өтөрүн белгиледи.
